Danas želim da podijelim s tobom jedno razmišljanje.

Sigurna sam da i ti u sebi nosiš jednu želju  da se osjećaš bolje, jače, puna energije i mirnija u svom tijelu.

Možda već znaš kakav je onaj osjećaj lakoće poslije treninga, zadovoljstvo kada se pogledaš u ogledalo i prepoznaš sebe, ili jednostavno mir koji dolazi kad znaš da radiš nešto dobro za svoje zdravlje.

Ali, prečesto ta želja ostane samo misao.

Znaš da bi trebala više da se krećeš, znaš da bi ti fizička aktivnost pomogla… ali to ne uradiš.

Koliko puta si rekla ili čula:

„Od ponedjeljka počinjem.“

„Poslije praznika idem u teretanu.“

„Kad budem imala više vremena.“

A taj ponedjeljak, ti praznici  nikako da dođu.

U međuvremenu, tijelo postaje sve ukočenije, energije je manje, raspoloženje slabije.

Istina je, nije ti nestalo motivacije. Nedostaje ti podrška.

Promjenu je teško napraviti sama. Pogotovo kada se umor, obaveze ili stres dana umiješaju.

Dovoljan je mali zastoj i već se vraćaš starim navikama, govoreći sebi:

„Ma nema veze, počeću kasnije.“

Ali tako se ne gradi dobro stanje ni tijela ni duha.

I zato je važno da znaš: ne moraš sve sama.

Možda ljudi oko tebe ne razumiju koliko ti znači da se osjećaš dobro u svom tijelu.

Možda te ne ohrabruju, ili ne znaju kako da te podrže onda kad ti to najviše treba.

Zato je važno da imaš mjesto i ljude koji vjeruju u tebe, i onda kada ti malo posumnjaš u sebe.

Tim koji će te podići, podsjetiti zašto si počela i pratiti te korak po korak.

Ponekad je dovoljno da te trenerica „blago obaveže“ da dođeš na trening, da ti prijateljica iz grupe napiše „čekam te“, ili da čuješ pravu riječ u pravom trenutku da ne odustaneš.

Ne čekaj sljedeći ponedjeljak.

Ne treba ti veliki korak  dovoljan je mali, danas.

-Izađi i prošetaj 15 minuta.

-Pij više vode.

-Dođi na trening čak i ako si umorna.

Svaki put kad se pokreneš, biraš sebe.

Kako je rekao Dalaj Lama:

„Toliko razmišljaju o budućnosti da zaborave živjeti sadašnjost, pa tako ne žive ni sadašnjost ni budućnost.“

Ne odgađaj.

Počni danas.

Pokreni se da bi se osjećala dobro.

Da bi se osjećala živo.

Da stvoriš svoju najbolju verziju.